ကွက်လပ်လေးတွေ ဖြည့်စေချင်

                                              

                 လိုလို…ချည်းသာ….ဘ၀မှာ   

    ဦနော လောကော ၊ အတိတ္ထော .... စသော ဘုရားဟော ဒေသနာ ကို ကြားနာ မှတ်သားမိဖူးသည်မှာ ကြာပါပီ....ဘာကို ဘယ်လို အတိအကျ ဆိုလိုသည်ကိုတော့ စာရေးသူ တကယ်ပင် ညာဏ်မမှီခဲ့ပါချေ... လောကကြီးအတွင်း မှီတင်းနေကြတဲ့ သူသူငါငါ သတ္တ၀ါတွေဟာ တဏှာ အလိုလိုက်တဏှာ အကြိုက်ဆောင်ရင်း အမိုက်မှောင်မှာ လမ်းလျှောက် နေကြလေ သမျှတော့ လောကကြီးသည် လို လို လို လို နဲ့လိုနေမည့် လောကကြီး ဖြစ်ပါကလား လို့ တော့ ဆရာတော်တွေ ဆုံးမမှုကို နာယူခဲ့ရ ဘူးပါတယ်။
တစ်စ တစ်စ နဲ့ ဘ၀သည်လည်း ပျိုရာမှသည် အိုခြင်းဆီသို့ ..နုရာမှ သည် ရင့်ရော်ခြင်း ဆီသို့ ပြောင်းလို့ လာနေခဲ့တာကို သတိပြုမိချိန်မှာတော့ စာရေးသူ ဘ၀မှာ လိုနေသော အရာ တွေချည်းသာ ဖြစ်ကြောင်း ကောင်းကောင်း သဘောပေါက်ခဲ့ပါပြီ ။ ချမ်းသာဖို့လဲ လိုသလို ကျန်းမာဖို့လဲ လိုနေပြန်တယ်၊ထို့အပြင် ပညာတတ်ဖို့ သုတပြည့်စုံဖို့ ဒါန ပြုနိုင်ဖို့ သီလ စောင့်နိုင်ဖို့ ဘာဝနာပွားနိုင်ဖို့ စသည်ဖြင့် အားလုံး လိုနေသေးတာကိုသိခဲ့ နားလည်ခဲ့ပါပြီ...ဒီလို လိုလို လိုလိုနဲ့ပဲ ဘာမှ မပြည့်စုံ ရသေးခင် သေပွဲဝင်နိုင်တာကိုလဲ၊ စိတ်ထဲတွေးထင်၊ သဘောပေါက်လာခဲ့ပါပီ...။
တကယ်တော့ ဘ၀မှာ သိသလိုလို တတ်သလိုလိုတွေလဲ မနည်းလှချေ။ ထို့အတူပင် ရှိသလိုလို မရှိသလိုလို တွေလဲ အပုံအပင်...တွေ့ဖူးသလိုလို မတွေ့ဖူးသလိုလို တွေလဲ အများသား...တကယ့်ကို အလိုချည်းသာ.....လမ်းပေါ်တွင် လူတစ်ယောက် တွေ့သည်အခါမှာလဲ တွေ့ဖူးသလိုလို ခင်ဖူးသလိုလို... အွန်လိုင်းပေါ်တွင် “ဟိုင်း” လို့ နှုတ်ဆက်လာသည့်အခါမှာလဲ ခင်ဖူးသလိုလို ... သိဖူးသလိုလို .. ဘယ်အရာမှာမဆို ဘာကို ဖြစ်ဖြစ် တိတိပပ သိလှသည်မှာ တခုမှ မရှိလှ ...လိုလိုနဲ့ပင် ဘ၀သည် တ၀က်ဟူသော သက်တန်းကိုပင် ကျော်ခဲ့ပါပြီ ရောလို့ စဉ်းစားမိတဲ့အခါ ရင်ထဲမှာ နာကျင်လာသလိုလိုပင်...

လိုနေသည်မှာ မပြည့်လို့လား 

            ဒီလိုဆိုရင် လိုနေသည်မှာ မပြည့်သေးတဲ့ သဘောလို့ ပြောရတော့မယ်ထင်ပါတယ်..ဟုတ်တယ်လေ၊ ပြည့်နေမှတော့ ဘယ်လိုတော့ပါ့မလဲ ..မပြည့်သေးလို့သာ လိုနေတာပေါ့.... ကုသိုလ် ပညာ ဥစ္စာဘယ်ဟာမှ လိုနေတာ မကောင်းဟု ခံစားမိတယ် ... ပညာလိုတော့ ဥစ္စာရှာရတာ မလွယ်ကူလှ... ဥစ္စာမချမ်းသာပြန်တော့လည်း သမုဒ္ဒရာ ၀မ်းတထွာအတွက် နေ့ထွက်နေ၀င် လုပ်ငန်းခွင်ဝင်နေရတာနဲ့ပဲ ကုသိုလ်ကောင်းမှုဘက်မှာ အားနည်းနေတတ် ပြန်တယ်လို့ခံစား နားလည်မိတယ် ... ဒီတော့ တခုခုလိုနေတာနဲ့ ကျန်တဲ့ အရာတွေအထိလိုက်ပြီး အကျိုးသက်ရောက်မှု ရှိနေတတ်တာကိုလဲ တွေးမိပြန်ရော.. 

     လိုနေတာဟာကွက်လပ်လား 

ငယ်စဉ်ကလေးဘ၀တုန်းက ကျောင်းမှာ စာသင်ရတဲ့အခါ ကွက်လပ်လေးတွေ ဖြည့်ခဲ့ရတာ မှတ်မိနေပါသေးတယ် ၊ဆရာပေးထားတဲ့ စာပိုဒ်ထဲမှာ လိုနေတဲ့စာတွေ၊ ဂဏန်းတွေ ရှာဖွေဖြည့်ရေး ခဲ့ရတယ်လေ၊ ဆရာမက ကွက်လပ်ဖြည့်ကြရအောင် လို့ပြောတဲ့အခါ လိုနေတာကို ရှာဖွေဖြည့်ခိုင်းတာလို့ ကလေးသဘာဝနဲ့ နားလည်ပြီး သင်ဖူးသမျှ ကျက်ထားသမျှတွေကို အထပ်ထပ် ရွတ်ဖတ်ရင်း လိုနေတဲ့ စာတွေ ဂဏန်းတွေဖြည့်ရေးခဲ့ရတယ်.. စာတပိုဒ်မှာ ကွက်လပ်တွေ များလာတာနဲ့အမျှ စဉ်းစားရကျပ်ပီး ဟိုဟာလိုလို ဒီဟာလိုလိုနဲ့အလွဲကိုပင် အမှန်ထင်ဖြည့်မိတာ အမှန်ကိုပင် အမှားထင်လို့ ပြင်.ဖျက်.စွက် ခဲ့မိတာတွေကို ယနေ့အထိတိုင် မမေ့နိုင်သေး ပါဘူး .. 

                         ဒါပေမဲ့ စာတပုဒ်မှာ ရှိသင့်တာ မရှိပဲ ပါသင့်တာ မပါပဲ ပျောက်နေတာ ဖျောက်ထားတာလေး တွေက စာတစ်ကြောင်းလုံးကို အဓိပ္ပါယ်မဲ့စေတယ် ဆိုတာကိုတော့ မတွေးမိခဲ့ဘူးပေါ့ . လိုနေတဲ့ အရာရာများမှတော့ ဒီစာပိုဒ်ဟာ ပြည့်စုံမှု့ မရှိနိုင်တော့သလို ဖတ်သူ လေ့လာသူ အဓိပ္ပါယ်မှန်ကို မရနိုင်တော့လို့ စာကောင်းပေမွန် ဖြစ်မလာနိုင်တော့သသို တန်ဖိုးရှိတဲ့ စာပေ ဖြစ်မလာနိုင် တော့ဘူး ဆိုတာကိုတော့နောက်မှတွေးသိခဲ့ရပါတော့တယ်။ 

ကွက်လပ်များတဲ့ ဘ၀...

                 အဓိပ္ပါယ်မလှ
လူ့ဘ၀မှာ လူရယ် လို့ ဖြစ်လာခဲ့ရင် ရှိသင့်ရှိထိုက်တဲ့ ကုသိုလ်၊ ပညာ ၊ဥစ္စာ တော့ ရှိသင့်တယ် ၊ ထို့အတူ အသက်အရွယ်အလိုက် ပြည့်စုံထားသင့်တဲ့ အရာများလဲ ရှိနေတယ်လေ.. ဒါတွေကို ရှိအောင် ပြည့်စုံအောင် မကြိုးစားခဲ့ဘူးဆိုရင် ဟိုဟာလိုလို ဒီဟာလိုလိုနဲ့ မပြည့်စုံတော့ပဲ ကွက်လပ်တွေ ဖြစ်ပေါ်လာမှာ မလွဲပါဘူး.. ကွက်လပ်တွေ ဖြစ်ပေါ်ပြီဆိုကတည်းက ဒီကွက်လပ်တွေကို ဖြည့်ဖို့ ကြိုးစားရတဲ့ အလုပ်တခု ပိုလာတော့မှာဖြစ်သလို နဂိုထက် နှစ်ဆတက်ပြီး လုပ်ရကိုင်ရ ရှာဖွေရလို့ ပင်ပန်းရပါတော့မယ် .. ဒီတော့လဲဘ၀ရဲ့ ချမ်းသာဆိုတာ ဘာမှန်းတောင် မသိလိုက်ရပဲနဲ့ အဓိပ္ပါယ်မလှတဲ့ ဘ၀ပိုင်ရှင်တွေ ဖြစ်ပေါ်လာတော့တာပေါ့.. ဒီလိုဆိုရင် မိမိ ဘ၀ကရော အဓိပ္ပါယ် ဘယ်မျှ ပြည့်ဝ နေပါပီလဲဟု ပုစ္ဆာထုတ်မိပြန် တော့ ရင်ထဲမှာအဖြေမရှိ တဲ့ ပဟေဠိသဖွယ်ပင် ဖြစ်နေပြန်ပါတော့တယ်။

ကွက်လပ်များကိုဖြည့်စေသူ 

                      ကိုယ့်ဘ၀မှာ ကိုယ်ဘာလိုနေတယ်ဆိုတာ ကိုယ်ကိုယ်တိုင်မှာတော့ သိဖို့ခဲယဉ်းပါတယ်။ သူများမျက်ချေးသာမြင်ရပြီး ကိုယ့်မျက်ချေး ကိုယ်မမြင်ရသလိုပဲပေါ့.. ဒီတော့ ပတ်ဝန်းကျင် ကိုပင် ဆရာတင်ရတော့တယ်၊ မှန်ကြည့်သည့်အခါ ကိုယ့်မျက်နှာရဲ့ သွင်ပြင်ကို အမှန်အတိုင်း သိရနိုင်သလို ပတ်ဝန်းကျင်ရှိ လူနေမှု့ဘ၀တွေနဲ့ကိုယ့်ဘ၀ရဲ့အခြေနေကို နှိုင်းယှဉ်ကြည့်သည့်အခါမှာ လိုနေတာတွေ သိရှိလာရပါတယ် ..ဒီလိုဆိုရင် ပတ်ဝန်းကျင်ဟာ မိမိအတွက်တော့ ကွက်လပ်များကို ဖြည့်စေသူ လို့ခံယူမိပါတယ်။ ထို့အပြင် မိမိအပေါ်တွင် ငယ်စဉ်ကစပြီး တတ်အပ်ပညာများကို သင်ကြားပေးခဲ့ကြသော ဆရာသခင် ကျေးဇူးရှင်တွေဟာ မိမိရဲ့ ဟာကွက်ပျော့ကွက် လိုအပ်ချက်များကို သိရှိလမ်းညွှန် ပေးနေကြပေရာ ဒီဆရာတွေ ပင်လျှင်လဲ ဘ၀ရဲ့ ကွက်လပ်များကို ဖြည့်စေသူတွေလို့ နားလည်မိပါတယ် .. 

                       ဒီအတွေးနဲ့ အတူ ကပ်ပါလာတာ ကတော့ ဒီဆရာတွေ ဒီပတ်ဝန်းကျင်တွေဟာ ကိုယ့်ဘ၀ရဲ့ ဟာကွက်ပျော့ကွက် လိုအပ်ချက်တွေကို ပြုစေ လုပ်စေ ဖြည့်စေတဲ့အတွက် ဘ၀ကို အဓိပ္ပါယ် ဖြည့်ပေးနေသူတွေလို့ပါပဲ။

ကွက်လပ်များကို ဖြည့်ရသူ 

             လိုနေမှု့သည် မပြည့်စုံလို့..မပြည့်စုံခြင်းသည် ကွက်လပ်..ထိုကွက်လပ်သည် ဘ၀ကို အဓိပ္ပါယ်မဲ့စေ နိုင်တယ်ဆိုတာကို နားလည်သဘောပေါက်ခဲ့ပါတယ်. ထိုသို့ နားလည် သဘောပေါက်မှု နဲ့အတူ ကိုယ့်ဘ၀ရဲ့လိုအပ်ချက်တွေကို ပြည့်အောင် ဖြည့်ဆီး အားထုတ်ပြီး အဓိပ္ပါယ်ရှိတဲ့ ဘ၀ကို ရချင်မိတာပါပဲ။
ချမ်းသာဖို့ လိုနေတဲ့ ကိုယ့်ဘ၀ကို ဒါနအမှု့တွေ အားထုတ် ပြုလုပ်ခြင်းဖြင့် ၎င်း၊ ကျန်းမာဖို့လိုနေတဲ့ ကိုယ့်ဘ၀ကို သီလတွေ စောင့်စည်းခြင်းဖြင့်၎င်း၊ အများနည်းတူ တင့်တယ်တဲ့ ဘ၀ မြင့်မြတ်သာယာလှပတဲ့ ဘ၀ကို ရဖို့လိုနေတဲ့ ကိုယ့်ဘ၀ကို ဘာဝနာတွေ ပွားခြင်းဖြည့်၎င်း ဖြည့်သင့် ဖြည့်ထိုက်တယ်လို့တွေးမိလာတယ်..ဒီလို ဒါန၊ သီလ၊ ဘာဝနာကုသိုလ်တွေကို ဖြည့်ဆည်း အားထုတ်မယ် ဆိုရင် လိုနေတဲ့ ကွက်လပ်တွေ ပြည့်လာပြီး ပြည့်စုံလာတော့မှာ လို့လဲ တွေးမိပြန်တယ် .. ဒီလိုဆိုရင် အဓိပ္ပါယ်ပြည့်တဲ့ အဓိပ္ပါယ်ရှိတဲ့ ဘ၀ကို သေချာပေါက် ရနိုင်မယ်လို့တွေးပြီး ခုတော့ လိုနေတာတွေ ဖြည့်နေမိပါပီ.. ကွက်လပ် များတဲ့ ဘ၀ကိုလဲ ရွံမုန်းမိပါပီ..လိုနေတဲ့မပြည့်စုံတဲ့ ဘ၀နဲ့ အဓိပ္ပါယ်မဲ့တဲ့ ဘ၀ကို မရချင်တော့ပါဘူး၊ ဒီလိုမရချင်ရင်တော့ ကွက်လပ်များကို ပြည့်အောင် ဖြည့်နိုင်သမျှ မှန်မှန် ဖြည့်ရ တော့မှာပေါ့။ လိုနေတဲ့အဲဒီ ကွက်လပ် ကို ရမ်းဖြည့်လို့တော့ မသင့်ဘူးထင်ပါတယ်...
ငယ်စဉ်က ကွက်လပ် အဖြည့်မှားလို့ ဆရာမအရိုက်ခံရ အမှတ်လျှော့ခံသလို ဘ၀ကွက်လပ်တွေကို မှားဖြည့်မိရင်တော့လဲ လောကဓံရဲ့ အထုအထောင်း အရိုက်အနှက် ခံရအုံးမှာပဲ လို့လဲ တဆက်တည်း တွေးမိလိုက်တယ်။ အဲဒီကွက်လပ်တွေကို ဖြည့်ရမှာကလည်း ကာယကံရှင် မိမိကိုယ်တိုင်ပဲလို့ နားလည်လိုက်ပါတော့တယ် ... အဲဒီ အတွေးနဲ့ အတူ လက်ကျန်အချိန်တွေမှာ အဓိပ္ပါယ်ပြည့်တဲ့ဘ၀ကို ရရှိပိုင်ဆိုင်ရအောင် ဘ၀မှာလိုနေခဲ့တဲ့ ကွက်လပ်လေးတွေကို ကြိုးစား ဖြည့်ဆည်း နေတော့မယ် လို့သာ အောက်မေ့လိုက် မိသလို စာဖတ်သူ ဓမ္မမိတ်ဆွေကိုလည်း အဓိပ္ပါယ်ရှိတဲ့ ဘ၀လေးတွေ ကိုယ်စီကိုယ်ငှ ရနိုင်ရအောင် ကိုယ့်မှာ လိုနေတဲ့ ကွက်လပ်လေးတွေကို၊ကိုယ်စီကိုယ်ငှ၊ဖြည့်ဆည်းလိုက်ကြပါစို့လို့၊တိုက်တွန်းလိုက်ရပါတော့တယ်။                 

                                                       ဇေယျသုခ အရှင်နန္ဒ၀ံသ (Amarillo, Texas, USA)

Posted in: ဆောင်းပါး